जनकपुरधाम : बहिनी भाईको पर्व रक्षाबन्धनको सन्देशले समाजिक संजाल भरिभराउ रहयो । कोरोना भाइरसको महामारीका कारण घर आउन नसकेका भाईहरुलाई बहिनीले समाजिक संजालबाट राखिसहितको शुभकामना संदेश पठाएका छन् । रक्षा बन्धन गरेको तस्वीरले त समाजिक संजाल झनरंगविरंगी भयो । देश विदेशमा रहेका दाजूभाईलाई दिदी बहिनीलेसफलताको कामना गर्दै सन्देश पठाएका छन् ।

लामो समयदेखि सवारी साधन सुचारु नहुँदा टाढा रहेका दाजूभाई घर फर्किन सकेका छैनन् । यता सप्तरीमा कोरोनाको त्रास र निषेधाज्ञाका कारण वर्ष दिनको पर्व मनाउन घरमै सीमित हुनुपर्दा खल्लो महसुस गरिएको छ । तराई मधेशमा भाईबहिनीको प्रेम तथा सद् भावको प्रतिक मानिने रक्षाबन्धन पर्व अधिकांश भाईबहिनीका लागि खल्लो बन्यो ।

लगातार १२ औं दिनसम्मको निषेधाज्ञा सोमबार पनि जारि रहदा घर बाहिर रहेका कतिपय दाजुभाई दिदीबहिनी एक आपसमा भेटघाट गर्न पाएनन् । यसरी बाहिर रहेका दाजुभाई र दिदीबहिनीले मोवाइलको प्रयोग गरि आनलाईन मार्फत एक आपसमा सद्भाव साटासाट गरेर रक्षाबन्धन पर्व मनाएका छन् । घरमा रहेका दिदीबहीनीले भने दाजुभाईको हातमा राखी बाँधेर दिर्घायुको कामना गर्द रक्षाबन्धन पर्व मनाएका छन् । राखीका पसलसँगै मिठाई पसल फाटफुट खुलेपनी ग्राहकको उपस्थिति न्यून देखिएको थियो ।

नगरका सम्पूणर् मन्दिरहरु पनि लकडाउनका कारण बन्द रहदा साउनको अन्तिम सोमबार भक्तजनहरु पूजापाठ नगरि निरास भई फर्किएका थिए । साउने सोमबारका दिन विषेश गरि शिवालयहरुमा भक्तजनको घुँइचो लाग्ने गरेकोमा कोरोनाका जोखिमलाई ध्यानमा राख्दै स्थानिय प्रशासनको निर्देशनमा मन्दिर बन्द गरिएको पुजारीहरुले बताएका छन् ।(फोटो सामाजिक संजालबाट)