काठमाडौं : नेपालमा थप ६३४ जनामा कोरोना संक्रमण पुष्टि भएको छ ।
स्वास्थ्य मन्त्रालयका प्रवक्ता डाक्टर जागेश्वर गौतमले नियमित लाइभ अपडेटमा थप ६३४ जनामा कोरोना संक्रमण पुष्टि भएको जानकारी दिएका हुन् ।
डा गौतमका अनसार नयाँ थपिएका संक्रमित मध्ये १८२ जना महिला र ४५२ जना पुरुष छन् । योसँगै नेपालमा कोरोना संक्रमितको संख्या ३१ हजार ११७ जना पुगेको छ । भने १८ हजार ३५० जना निको भइसकेका छन् ।
डा गौतमका अनुसार आज ९ जना कोरोना संक्रमितको मृत्यु भएसँगै कुल मृतकको संख्या १४० पुगेको छ ।
उनका अनुसार संक्रमित मध्ये प्रदेश १ का जिल्लाहरुमा इलामाका एकजना, झापाका १७ जना, भोजपुरका ३ जना, मोरङका ५२ जना, संखुवासभाका एकजना र सुनसरीका ३१ जना रहेका छन् ।
यस्तै प्रदेश २ का जिल्लाहरुमा धनुषाका ३ जना, पर्साका ५९ जना, बाराका १० जना, महोत्तरीका एकजना, रौतहटका २ जना, सप्तरीका ३ जना, सर्लाहीका एकजना र सिरहाका ३५ जना छन् ।
डा गौतमका अनुसार बागमती प्रदेशका जिल्लाहरुमा काठमाडौंका १६० जना, काभ्रेका ३ जना, चितवनका २७ जना, दोलखाका ४ जना, धादिङका २ जना, नुवाकोटका २ जना, भक्तपुरका ५० जना, ललितपुरका ६ जना र सिज्धुलीका एकजना छन् ।
यस्तै गण्डकी प्रदेशका जिल्लाहरुमा कास्कीका १६ जना, तनहुँका २ जना, नवलपरासी पूर्वका ३ जना, बाग्लुङका एकजना र स्याङ्जाका एकजनामा कोरोना संक्रमण पुष्टि भएको छ ।
यस्तै प्रदेश ५ का जिल्लाहरुमा कपिलवस्तुका १५ जना, नवलपरासीका ३ जना, पाल्पाका एकजना, प्युठानका एकजना, बर्दियाका ७ जना, बाँकेका २८ जना, रुपन्देहीका २३ जना र रोल्पाका एकजना रहेका छन् ।
यस्तै कर्णाली प्रदेशका जिल्लाहरुमा जुम्लाका २ जना, सल्यानका ६ जना, र सुर्खेतका २ जनामा कोरोना पुष्टि भएको छ ।
यस्तै सुदूरपशिचम प्रदेशका जिल्लाहरुमा कैलालीका १४ जना, डडेल्धुराका एकजना र डोटीका एकजनामा कोरोना संक्रमण पुष्टि भएको छ ।
काठमाडौं उपत्यकामा मात्र २१६ जना नयाँ संक्रमित फेला परेका छन् ।
अहिले ११ हजार ६५८ जना क्वारेन्टिनमा बसिरहेका छन् । सक्रिय संक्रमितमध्ये १३५ जना आइसीयू र १२ जना भेन्टिलेटरमा रहेका छन् । भेन्टिलेटरमा रहेका संक्रमित बागमती प्रदेशमा छन् ।
२०७७ भाद्र ६, शनिबार १६:२२मा प्रकाशित
