लहान : गत मंसिर २७ गते मधेश आन्दोलनको उदगम स्थल सिरहा जिल्लाको लहानमा हजारौंको संख्यामा जनता सडकमा ओराली विशाल शक्ति प्रदर्शन गरेको जनतान्त्रिक तराई मुक्ति मोर्चाले फेरि पुस ११ गते शनिबार सिरहाको मिर्चैयामा विशाल शक्ति प्रदर्शन गर्दैछ ।

“राज संस्था र धार्मिक स्वतन्त्रता सहितको धर्म सापेक्ष वैदिक सनातन हिन्दु राष्ट्र पुनःस्थापना, अधिकार सम्पन्न बैज्ञानिक संघीय संरचना र जनतान्त्रिक शासन प्रणाली” को बहालीका लागि “राष्ट्रिय नागरिक आन्दोलन-२०७७” को उदघोष गरेका जनतान्त्रिक तराई मुक्ति मोर्चा एवं राष्ट्र बचाउ अभियानका राष्ट्रिय संयोजक एवं अध्यक्ष डा. मनोज मुक्ति “विवेक” (डा. मनोज कुमार झा) ले आज एक प्रेस वक्तव्य जारी गर्दै उक्त कुरा जनाएको छ ।

प्रेस वक्तव्यमा भनिएको छ कि,

आज मिति २०७७/०९/०७ गते मंगलवार सिरहा जिल्लाको मिर्चैया नपा मा “जनतान्त्रिक तराई मुक्ति मोर्चा” एवं “राष्ट्र बचाउ अभियान” को मिर्चैया नगर जनपरिचालन समितिको बैठक मोर्चा एवं अभियानका जिल्ला सदस्य श्री चन्द्रशेखर साह ज्यु (डब्लु जी) को विशेष उपस्थिति एवं मिर्चैया नगर जनपरिचालन समिति संयोजक श्री मुन्ना यादव ज्युको अध्यक्षतामा सु-सम्पन्न भई तपसिल बमोजिमको निर्णय गरि मोर्चा एवं अभियानको केन्द्रिय सचिवालयमा निर्णय अनुमोदन एवं अनुमतिका लागि पठाईएको ब्यहोरा सहितका विषयहरुलाई मोर्चाको तर्फबाट अनुमोदन साथ निर्णय कार्यान्वयनका लागि अनुमति प्रदान गरिन्छ साथै सिफारिस बमोजिमको काम-कार्यवाही अगाडी बढाउन शुभकामना एवं हार्दिक धन्यवाद सहित बधाई पनि दिईन्छ ।

निर्णय :-

१) आउँदो २०७७/०७/११ गते शनिबार का दिन बेलुका समय ५:०० बजे “धर्म-निरपेक्ष संघीय लोकतान्त्रिक गणतन्त्र नेपालको संविधान २०७२” को खारेजी र जनतन्त्र सहितको राज-संस्था  एवं हिन्दु राष्ट्र पुनःस्थापना का निमित्त नारा जुलुश सहित रामनगर देखि मिर्चैया  को बतहा खोला हुँदै मिर्चैया थाना चोक हुँदै कटारी चोक को गोलपार्क मा दिप प्रज्वलन गरि कोण-सभा गरिने ।

२) उक्त कार्यक्रममा सहभागिताका लागि राष्ट्रिय झण्डा सहित सहभागी हुन् सम्पूर्ण देश-भक्त आम मुक्ति कामी नागरिकहरु, जनतन्त्र-प्रेमीहरु, समाजसेवीहरु एवं नेपाल आमालाई माय गर्ने सबैलाई हार्दिक स्वागत साथ अपील गर्दछौं ।

आयोजक : जनतान्त्रिक तराई मुक्ती मोर्चा, सिरहा जिल्ला जनपरिचालन समिती