जनकपुरधाम : मधेश प्रदेशको जनकपुरधाममा आज होली मनाईदैछ ।
रङैरंङको पर्व फागू अर्थात होली सद्भाव र आत्मियता साटासाट गर्दै शुक्रबार मधेसका जिल्लाहरुमा मनाइएको थियो । पहाडी क्षेत्रमा होली मनाएको भोलिपल्ट मधेसका जिल्लामा होली मनाउने चलन छ । जनकपुरधाममा भने अन्तरगृह परिक्रमाको भोली पल्ट होली खेल्ने चलण छ ।
जनकपुरधाममा आज रंग अवीर दलेर, शुभकामना साटासाट गर्दै, विभिन्न गीत गाउँदै होली पर्व मनाउने गरिन्छ । बसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व परम्परागत रूपमा विभिन्न रङ लगाएर मनाउने चलन छ ।
जिल्ला प्रशासन कार्यालय धनुषाले, होली पर्व शान्ति संग मनाउन आग्रह गरेको छ । मदिरा सेवन गरेर अव्यवहारिग गतिविधी नर्गन र कसैको हानी नोक्सानी हुने गरि होली नखेल्न समेत आग्रह गरेको छ ।
२०७८ चैत्र ५, शनिबार ०६:२७मा प्रकाशित
