जनकपुरधाम : धनुषाको लक्ष्मीनिया गाउँपालिका अध्यक्षमा एमालेको तर्फबाट युवा नेता शम्भु साहसहित तीन जनाको दाबी परेको छ ।
सोमबार बसेको पार्टी गाउँपालिका कमिटी बैठकमा साहसहित दिनेश यादव र अजय यादवले अध्यक्षको उम्मेदवारी दाबी गर्नुभएको थियो । जिल्ला पार्टीमा तीनै जनताको नाम सिफारिस गरी पठाइएको साहले बताउनुभयो ।
विगतमा पार्टी माथि चौतर्फी घेराबन्दी भएको बेलमा पार्टी बचाउने अभियानमा लागेको कारण नेता कार्यकर्ताको माया आफू प्रति रहेको साहले दाबी गर्नुभयो । पार्टीले गर्ने जस्तोसुकै निर्णय पनि आफूलाई स्वीकार्य भएको उहाँले बताउनुभयो ।
यसै गरी उपाध्यक्षको उम्मेदवारीको लागि भोलि यादव, रीना साह र कौसल्या यादवको नाम सिफारिस भएको छ । सिफारिस गरिएका मध्य भोलि यादव गएको स्थानीय तह निर्वाचनमा झिनो मतले पराजित हुनुभएको थियो ।
२०७८ चैत्र २९, मंगलवार ०९:०५मा प्रकाशित
