काठमाडौं : शनिबार बिहान भूकम्प गएको छ ।
नुवाकोटको बेलकोटगढी केन्द्रबिन्दु भएर ५.३ म्याग्निच्यूडको भूकम्प गएको हो । राष्ट्रिय भूकम्प मापन केन्द्रका प्रमुख लोकविजय अधिकारीले बेलकोटगढी केन्द्रबिन्दु भएर बिहान ५ बजेर २६ मिनेट जाँदा सो भूकम्प गएको जानकारी दिए ।
भूकम्पको काठमाडौंमा कडा महसुश भएको थियो । यस्तै नुवाकोटसहित धादिङ, रसुवा, गोरखा, सिन्धुपाल्चोकलगायत विभिन्न जिल्लामा पनि भूकम्पको महसुश भएको बताइएको छ । गत साउन १५ गते पनि खोटाङ केन्द्रबिन्दु भएर ६ म्याग्निच्युडको भूकम्प गएको थियो ।
२०७९ श्रावण २१, शनिबार ०७:०४मा प्रकाशित
