पर्सा : पर्साको ठोरी गाउँपालिका- ३ स्थित ठुटेखोला इलाकाबाट सशस्त्र प्रहरीले करीब ३ सय ६३ केजी गाँजासहित ट्रक नियन्त्रणमा लिएको छ।
सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीको विशेष सूचनाको आधारमा बिओपी ठोरीले मकवानपुरको हेटौडाबाट पर्साको विजय बस्तीतर्फ जाँदै गरेको ना ४ ख ६५५५ नम्बरको ट्रकमा फल्स वटन प्रयोग बनाई २२ वटा कार्टुनमा प्याक गरी लैजाँदै गरेको अवस्थामा गाँजा र ट्रक
नियन्त्रणमा लिएको हो ।
उक्त ट्रकका चालक प्रहरीलाई देख्नासाथ ट्रक सोही ठाउँमा छाडि फरार भएका थिए । बरामद गाँजा तथा ट्रक ईलाका प्रहरी कार्यालय ठोरीमा बुझाइएको प्रहरीले जनाएको छ।
२०७९ मंसिर २७, मंगलवार १३:१९मा प्रकाशित
