काठमाडौं : विवाहपूर्व फोटोसुटका केही तस्विरहरु सामाजिक सञ्जालमा निकै भाइरल भइरहेका छन् । यसमा एक जोडीलाई हिलोले ढाकिएको देख्न सकिन्छ । दुबैले विभिन्न पोज दिएर तस्विर खिचेका छन् ।

जोडी फिलिपिन्सको ओर्मोक शहरका बासिन्दा हुन्। यी तस्विर २४ वर्षका जोन्सी गुटेरेज र इमे बोरिनागाका हुन् । दुवैको परिवार खेतीपाती गर्छन् । यस कारणले, उनीहरूले आफ्नो नयाँ जीवनको सुरुवातको लागि यो विषय रोजे। यसको पृष्ठभूमिमा हरियाली देखिन्छ।

फोटोहरू जनवरी २०२१ मा चार्लेसी भिजुअल नामको फेसबुक पेजमा पोस्ट गरिएको थियो। त्यतिबेला पनि यसको निकै चर्चा भएको थियो र अहिले फेरी एकपटक भाइरल भइरहेको छ ।

मानिसहरूले जोन्सी र इमेको तस्बिर बाँकी जोडीभन्दा फरक पाएका छन् किनभने यसमार्फत उनीहरूले प्रकृतिप्रतिको आफ्नो प्रेम देखाउने प्रयास गरेका छन्। साथै, सुटिङ एकदमै सरल राखिएको छ। इमेको परिवारको धान खेतमा फोटोसुट गराइएको थियो ।

प्रि-वेडिङ सुटिङको बारेमा सोध्दा दम्पतीले किसानको परिवारमा हुर्केकाले यो थिम रोजेको बताए । सरकारी विद्यालयमा शिक्षिका भएर काम गर्ने इमेले भन्छिन्, ‘खेतीलाई उचित प्राथमिकता दिनुपर्ने जागिरका रूपमा देखाउन खोजेको छु । हिलोमा हिड्न कत्ति गाह्रो छ भनेर मानिसहरूले देखून् भन्ने म चाहन्छु। चर्को घाममा धान रोप्दा कस्तो लाग्छ । ढाडमा दुखाइ हुन्छ । यी सबैको बाबजुद पनि किसानहरू कुनै गुनासो बिना खुसीसाथ बाँचिरहेका छन्। यो कुरा हाम्रो फोटोसुटको प्रेरणा बन्यो।’

 

 

२०७९ फाल्गुन २७, शनिबार ०९:०७मा प्रकाशित

प्रतिक्रिया

सम्बन्धित खवर

ताजा समाचार

लोकप्रिय