जनकपुरधाम : गृहमन्त्री तथा राष्ट्रीय स्वतन्त्र पार्टीका सभापति रवि लामिछाने आज जनकपुरधाम आइपुगेका छन् ।
केहिबेर अगाडी जनकपुर विमानस्थल आइपुगेका गृहमन्त्री लामिछानेलाई सुरक्षा अधिकारी र पार्टीका नेता कार्यकर्ताहरु स्वागत गरेका हुन् । विमानस्थलबाट उनी सिधा होटल सिताशरण पुगेका छन् ।
बुधबार तीनै सुरक्षा निकायका अधिकारीहरुसँग प्रदेशको सुरक्षा अबस्थाबारे उनी छलफल गर्ने कार्यक्रम छ ।
यस्तै दाइजोको निहुँमा हत्या गरिएका आरती साहको माइत पक्षका परिवारसंग भेटघाट गर्ने पनि बुझिएको छ ।
गृहमन्त्री लामिछानेलाई राष्ट्रिय स्वतन्त्र पार्टी (रासपा)का प्रदेश सभापति ई.तपेश्वर यादव, प्रदेश महामन्त्री मनिष कुमार साह लगयातका जिल्ला संयोजकहरुले विमानस्थलमा स्वागत गरेका थिए ।
२०८० चैत्र २७, मंगलवार २०:४८मा प्रकाशित
