अनिल निराला,जनकपुरधाम, ५ जेठ । जनकपुरधाममा कारको ठक्करबाट मोटरसाइकलमा सवार पत्रकार शिवेन्द्र रोहिताको मृत्यु भएको छ ।
शनिवार बिहान ३ बजे जनकपुरधामको थापाचोकमा बा २१ च ३३४३ नम्बरको कारले रोहिता सवार प्रदेश २ ज ५६९४ नम्बरको मोटरसाइकलमा ठक्कर दिएको धनुषा प्रहरीले जनाएको छ ।
उनको घटनास्थलमै मृत्यु भएको प्रहरीले जनाएको छ । धनुषाको शहिदनगर नगरपालिका ८ का बासिन्दा ३२ वर्षीया रोहिता राजधानी जनकपुर अनलाइनका सँचालक थिए ।मोटरसाइकलमा पछाडि सवार मृतक रोहिताका साथी २५ वर्षीय जयनाथ यादव घाइते भएका छन् ।
घाइते यादवको प्रदेशिक अस्पताल जनकपुरधाममा उपचार भईरहेको जिल्ला प्रहरी कार्यालय धनुषाले जानकारी दिएको छ ।कार र चालकलाई नियन्त्रणमा लिई घटनाको अनुसन्धान भई रहेको प्रहरी जनाएको छ ।घटनामा संलग्न रहेको आशंकामा प्रहरीले ४ जनालाई प्रकाउ गरेको छ।
२०८१ जेष्ठ ५, शनिबार ११:१३मा प्रकाशित
