नेपालवाणी नेटवर्क
जनकपुरधाम, अषाढ ।

मधेश प्रदेशसभा सचािवलययको आयोजनामा चारदिने नमुना युवा संसद अभ्यास २०८१ सुरु भएको छ । बुधवार मधेश प्रदेशसभाका सभामुख रामचन्द्र मण्डल र उपसभासमुख बविता कुमारी राउत ईशरले संयुक्त रुपमा कार्यक्रमको एक समारोहका बीच उदघाटन गरेका छन् । हेल्पिङ्ग ह्याण्डस् नेपाल गौशाला, महोत्तरीको समन्वयन सहकार्यमा युवाहरुको नेतृत्व विकास र क्षमता विकासका लागि नमुना युवा संसदीय अभ्यास कार्यक्रम सञ्चालन गरेको हो ।

मधेश प्रदेशसभाले युवालाई देशको संविधान नियम कानून, संसदीय व्यवस्था र अनुशासन सिकाइ भविष्यमा असल नेतृत्व गर्न सक्षम जनशक्ति उत्पादन गर्नका लागि नमूना युवा संसदीय अभ्यास पहिलो पटक गराएको हो ।

समारोहमा सभामुख रामचन्द्र मण्डलले युवालाई व्यवस्थापिका, कार्यपालिका र न्यायपालिकाको कार्य र अन्तरसम्बन्धको ज्ञान गराई असल संस्कार र सुझबुझपूर्ण व्यवहार सिकाउनका प्रदेशमा संसद कार्यक्रम भइरहेको बताए । उनले भने, ‘नेपालको शासन प्रणाली र यसको विकास प्रक्रियाको बारेमा युवालाई सु–सुचित गराउँदै युवामैत्री बनाउन र कार्यक्रम निर्माणका लागि राज्यलाई सुझाव दिन नमूना युवा अभ्यास गतिलो हुनेछ । सत्तापक्ष–प्रतिपक्षको भूमिका निर्वाह, सत्ता र प्रतिपक्षको चरित्र जस्ता विषयमा सभामुख मण्डलले बोलेका थिए ।’

उनले युवाहरुले दिगो विकास लक्ष्य, संसदीय प्रणाली, लोकतान्त्रिक मूल्य, संविधानका अन्तरवस्तु, शासकीय प्रणाली, संघीयता, युवाका मुद्दा, जलवायु परिवर्तन आदि विषयमा बहस तथा छलफल गर्ने एउटा सशक्त माध्यमको रुपमा युवा संसदीय अभ्यास बन्नुपर्नेमा जोड दिए । ‘युवालाई कानून, संविधान, सम्यताको ज्ञान र स्वयसेवकीको भाव, अधिकार कर्तत्व र दायित्व गराउनका सकिएन भने मुलुक समृद्धि तर्फ लैजान सकिदैन’ सभामुख मण्डलले भने, ‘संविधानले सरकार कसरी सञ्चालन गर्दछ भन्ने कुरा सिकाउनका लागि नमूना संसदबाट युवाले सिक्ने छन ।’

मधेशका उपसभामुख बविता कुमारी राउत ईशरको अध्यक्षतामा भएको युवा संसदीय अभ्यास कार्यक्रममा नमुना युवा संसद कार्यक्रम युवालाई संसदीय व्यवस्था, लोकतन्त्र, मुलुक सञ्चालन र नेतृत्व विकास गर्नका लागि सञ्चालन गरिएको बताईन् । प्रदेश स्तरमा सैद्धान्तिक ज्ञान र नमूना प्रदेशसभा सञ्चालन, नीति तथा कार्यक्रम, बजेट लगायतका विषयमा नमुना युवा संसद कार्यक्रम प्रभावकारी हुने बताईन् । उनले लोकतन्त्र स्थायी राज्य व्यवस्था भएको र लोकतन्त्र संस्कृतिबारे युवालाई ज्ञान दिई अब्बल, योग्य नागरिक बनाउन संसदीय अभ्यास आवश्यक रहेको बताईन् ।

प्रदेश नमुना युवा संसदमा मधेश प्रदेशका ८ जिल्लाका ४० जना सहभागिता रहेको छ । युवालाई संसदीय प्रणालीबारे जानकारी गराउनु अत्यन्त सुखद हुने नेपाल पत्रकार महासंघ धनुषा शाखाकी अध्यक्ष मनिका झाले बताईन् । उनले भनिन, ‘नेपाल सरकारले जारी गरेको युथ भिजन अनुसार नै युवालाई नेतृत्व तहमा लैजानका लागि युवा संसद आयोजना गरिनु सुखद हो । राजनीतिप्रति वितृष्णा बढेको बेलामा राजनीतिलाई सही ट्रयाक्मा ल्याउन समेत युवाको भुमिका हुने भएकोले सक्षम र सवल राजनीतिका लागि युवाहरु राजनीतिप्रति सचेतना फैलाउन आवश्यक रहेको बताईन् ।

कार्यक्रममा मोनाष्टिक स्कुलका म्यानेजिङ्ग डाईरेक्टर डा. सोनु साहले सकारात्मक अभियानका लागि जहिले पनि आफु तयार रहेको बताए । उनले भने, ‘युवाको नेतृत्वले हरेक परिवर्तनका बाटोलाई सजिलो बनाउँछ । युवालाई सकारात्मक अभियान लिएर अघि बढे सफलताको शिखर चुम्न कसैले रोक्न सक्दैन ।’