काठमाडौं । लोकतान्त्रिक समाजवादी पार्टी नेपालले तीन जना नेतृलाई केन्द्रीय सह–महासचिव पदमा नियुक्त गरेको छ । पार्टीको संशोधित विधानअनुसार मनोनयन गरिएको जानकारी पत्रमार्फत् सार्वजनिक गरिएको हो ।

सिरहाबाट रूपा कुमारी झा, ललितपुरबाट रिता ठाकुर र सप्तरीबाट अञ्जु गुप्ता पार्टीको केन्द्रीय सह–महासचिवमा नियुक्त भएका छन् ।

पार्टीले जारी गरेको जानकारीमा देश, मधेश तथा पार्टीको हितमा उनीहरूको कार्यकाल उपलब्धिमूलक हुने विश्वास व्यक्त गर्दै शुभकामना प्रकट गरिएको छ ।

यस नियुक्तिले पार्टी  भित्र महिला नेतृत्वको भूमिकालाई अझ सशक्त बनाउने अपेक्षा गरिएको छ ।