फाईल फोटो/धनुष अज्ञ/ नेपालवाणी/सुरेन्द्र सिंह/जनकपुरधाम

जनकपुरधाम : सप्ताहव्यापी सीताराम विवाह पञ्चमी महोत्सवको आज तेस्रो दिन धनुष यज्ञ मनाइँदैछ । त्रेता युगमा जनकपुरमा भगवान राम र आदर्श नारी सीताबीच विवाह भएको स्मरणमा प्रत्येक वर्ष सप्ताहव्यापी रुपमा विवाह पञ्चमी मनाइन्छ ।

सोमवार पहिलो दिन नगर दर्शन र दोस्रो दिन हिजो मंगलवार फुलवार लिला मनाइयो । आज रामको प्रतिकको रुपमा रहने बालकले धनुष तोड्ने छन् । यस्तै चौथो दिन पुस २ गते तीलकोत्सव, पाँचौ दिन पुस ३ गते मटकोर र छैठो दिन पुस ४ गते रामसीता स्वयंवर तथा विवाह कार्यक्रम हुनेछ ।

महोत्सवको अन्तिम दिन पुस ५ गते रामकलेवा विधि पश्चात विवाह पञ्चमी महोत्सवको विधिवत समापन हुने गर्दछ । यस वर्ष कोरोनाका कारण विवाह पञ्चमी महोत्सव प्रभावित बनेको छ । अयोध्याबाट यसवर्ष जन्ती समेत आउने छैन ।