बर्दिबास, १४ कात्तिक ।  महाेत्तरीकाे बर्दिबास-२ बारनचाैडीस्थित जनजागृति आधारभूत विद्यालयका छात्रछात्राले दीपावली पर्वकाे उपहारस्वरुप जाडाेकाे पाेसाक पाएका छन् ।

बर्दिबास-१४ का बासिन्दा उद्यमी देवेन्द्र गाैतमले आज बुधबार आयोजित समाराेहमा विद्यालयमा अध्ययनरत ११० छात्रछात्रालाई जाडाेमा लगाइने ट्र्याकसुट र भेस्ट प्रदान गर्नुभएकाे हाे ।

गरिब बस्तीस्थित साे विद्यालयमा अधिकांश गरिब वर्गका दलित समुदायका बालबालिका पढ्छन् । छात्रछात्राकाे आर्थिक अवस्था मध्यनजर गरिदै पर्वकाे मुखमा नयाँ लुगा दिइएकाे गाैतमकाे भनाइ छ ।

चाडवाडमा नयाँ लुगा पाएपछि ससाना बालबालिका दङ्ग परेका छन् ।

पाेसाक वितरण समाराेहमा बर्दिबास-२ का वडाध्यक्ष श्यामराजा सिंह, विद्यालय व्यवस्थापन समितिका पदाधिकारी तथा अभिभावकहरुकाे उपस्थिति रहेकाे प्रधानाध्यापक अम्बिकाप्रसाद दाहालले जानकारी दिनुभयाे ।