काठमाडौं : विश्वभर त्रास फैलाएको कोरोनभााइरस (कोभिड १९)का भिसाको म्याद सकिए पनि स्वदेश फर्किन नपाएका नेपालीसहित विदेशी कामदारलाई भिसा थप्ने सुविधा दिएको छ । अस्थायी आवासीय भिसाको म्याद थप तीन महिना बढाउन मिल्ने गरी कुवेत सरकारले सुविधान दिएको हो ।
यही मे ३१ तारिखसम्म अस्थायी आवासीय भिसाको म्याद भएका नेपालीसहित विदेशी नागरिकले आफ्नो स्पोन्सरमार्फत भिसाको म्याद तीन महिना थप गर्न सकिने कुवेतमा रहेको नेपाली दूतावासले जनाएको छ । यसका लागि तीन कुवेती दिनार शुल्क तिर्नुपर्ने छ ।
यसअघि कुवेत भित्र रहेका र फेब्रुअरी २९ सम्म आवासीय भिसा सकिएकाहरुको मे ३१ अर्थात तीन महिनाको लागि भिसाको म्याद स्वतः थप गरिएको थियो ।
२०७७ जेष्ठ १४, बुधबार ००:०९मा प्रकाशित
