नेपालवाणी नेटवर्क
जनकपुरधाम, चैत्र ।

मधेशका मुख्यमन्त्री सतिष कुमार सिंह मधेश स्वास्थ्य विज्ञान प्रतिष्ठान शैक्षिक भवनको शिलान्यास गरेका छन् । जनकपुरधाम उप–महानगरपालिका १४ स्थित मणिमण्डप स्थित गुठ्ठीको जग्गा प्रतिष्ठानको शैक्षिक (एकेडेमीक) भवनको शिलान्यास गरेका हुन् । मुख्यमन्त्री सिंह सहित जनकपुरधाम उप–महानगरपालिकाका मेयर मनोज साह, उपकूलपति डा. अंकर साह, रजिष्ट्रार डा. विनोद कुमार यादव, रेक्टर डा. रामनरेश पण्डित प्रादेशिक अस्पतालका निर्देशक डा. जामुन सिंहले संयुक्त रुपमा शैक्षिक भवनको उदघाटन गरेका हुन् ।

दुई करोड ५० लाख लागतको निर्माण भैरहेको एकेडेमीक व्लक भवन समयमै सम्पन्न हुने गरी शिलान्यास गरिएको मधेश स्वास्थ्य विज्ञान प्रतिष्ठानका रजिष्ट्रार डा. विनोद कुमार यादवले जानकारी दिए । १८ विघा जग्गामा प्रयोगशाला, कक्षाकोठा, अस्पतालको भवन लगायतका अन्य भौतिक सामग्री निर्माणको लक्ष्य सहित काम सुरु गरिएको रजिष्ट्रार डा. यादवले नेपालवाणीलाई जानकारी दिए ।

प्रतिष्ठानको आफ्नै संरचना भए सहजताका साथै शैक्षिक गतिविधि तिव्रताका साथ बढ्ने विश्वसका साथ काम अघि बढेको डा. यादवको भनाई थियो । उनले भने, ‘मधेशको गौरवको योजना मेडिकल कलेज स्थापना भएर अध्ययन अध्यापन सुरु भैसकेको छ । यो ठाउँमा उच्चस्तरको नयाँ कक्षाकोठा, प्रयोगशाला लगायतको सुविधा र भविष्यको अस्पताल बनाउने हिसाबले हामीले कामको थालनी गरेका छौं ।’