नेपालवाणी डटकम
धनुषाधाम, फाल्गुन ।

देशभरि अहिले निर्वाचनमय बनेको बेलामा धनुषा १ का उम्मेदवार रामचन्द्र मण्डल आफु जित नजिक पुगेका बताएका छन् । राजनीतिक दलहरु आ–आफ्ना उमेदवारलाई जिताउन घरदैलो तथा कोणसभालाई तीव्रता दिईरहेको बेलामा मण्डलले घरदैलो सकाएर वन टुवनमा लागेका बेलामा नेपालवाणी डटकमसंग कुरा गर्दै जनताको उत्साह र लहर हेरेर आफु विजयी नजिक पुगेको दाबी गरे । मण्डलले मतदाता कहाँ पुगेर आफ्ना प्रतिबद्धता, प्रतिज्ञापत्र, वाचापत्र सहित आफुले सभामुख तथा सांसद हुँदा गरेका विकास निर्माणका योजनाहरुको फेरिहस्त लिएर मतदाताको घर–घर पुगिरहेका छन ।

धनुषा १ को चर्चित अनुहार मध्ये नेकपा एमालेका उम्मेदवार राचन्द्र मण्डल मतदातालाई गरेको विकास निर्माणको आधार र जनताको समस्याको समाधानका लागि सधै उभिरहने नेताको रुपमा आफ्नो परिचय लिएर मतदाता कहाँ पुग्ने भएको छ । धनुषा क्षेत्र नम्बर १ का एमाले उम्मेदवार राचन्द्र ‘मास्टर साहेव’ ले धनुषाको विकास र राजनीतिमा पांँच दशक योगदान र विकास निर्माणमा पु¥याएकोले योगदानले जनताले आफूलाई चुन्नेमा ढुक्क छन् । ‘म मेरो विकास निर्माणको कामलाई जिम्मेवारी सहित गरेको हुनाले म जीतको नजिक पुगिसकेको छु । केवल नतिजामात्र आउन बांँकी छ’, मण्डलले भने ।

विगत एक दशक देखि धनुषा १ का नेकपा एमालेका कार्यकर्ता तथा समर्थकले भोट हाल्न नपाएको बताउंँदै यसपटक एमालेको भोट खेर नगए आफ्नो जीतलाई कसैले नरोक्ने मण्डलको भनाइ छ । पछिल्लो समय सामाजिक सञ्जाल र भीडको आधारमा चुनाव जित्ने आधार पनि एउटा पाटो भएको तथा आफ्नो घरदैलोको क्रममा पाएको अपार माया र साथ सहयोग नै चुनाव जित्ने विश्वासिलो आधार रहेको बताए ।

‘अहिले देश जलाउने र देश बनाउनेबीचको प्रतिस्पर्धा हो’, उनले भने, ‘यसपटक मतदाताले आफ्नो विवेकले आफ्नै भविष्य निर्माण गर्नुछ । मैले यहाँको माटो देखि पानी सम्म र जनताको दुःख देखि दर्दमा सधै साथ रहेको छु र रहनेछु । जनताको अपार माया र स्नेहको परिणाम स्वरुप म विजयी हुन्छु भन्ने विश्वास छ ।’

‘मैले यस क्षेत्रको हरेक नागरिकको समस्या नजिकबाट नियालेको छु । मलाई पनि उहांँहरुले राम्रोसंँग चिन्नु भएको छ’, उनले भने, ‘मैले जितेर आएमा यो क्षेत्रको शिक्षा, कृषि, पर्यटन, विकास, रोजगारी, सिंचाई नै मेरो पहिलो प्राथमिकता रहनेछ ।’