मुम्बई : फिल्म ‘हेट स्टोरी २’मा काम गरेकी अभिनेत्री सुरवीन चावलाले पुनः एक पटक फिल्म उद्योग भित्र लुकेको तितो सत्यलाई उजागर गरेर सनसनी मच्चाएकी छन् । उनले आफू कसरी फिल्ममा चरित्रको सट्टामा ‘कास्टिङ काउच’को शिकार हुनुपरेको थियो भन्ने खुलाएकी हुन् ।

सुरवीरले एक अन्तरवार्तामा आफू तीन पटक ‘कास्टिङ काउच’को शिकार भएको उल्लेख गरेकी छन् । ‘एक समय थियो, जब मलाई एक फिल्म निर्मातासँग जानका लागि भनिएको थियो । एक भूमिकाका लागि निर्देशकले ‘म तिम्रो शरीरको अंगका हरेक इञ्च बुझ्न चाहन्छु’ भनेका थिए । त्यही समयदेखि मैले यस्ता मानिसहरुलाई बहिस्कार गर्दै आएकी छु’, उनले भनेकी छन् ।

सुरवीनका अनुसार दक्षिण भारतीय फिल्मका ती निर्देशकले राष्ट्रिय पुरस्कार जितिसकेका छन् । निर्देशकसँग सुरवीनको निकै लामो अडिसन भएको थियो । उनी त्यो समयमा केही बिरामी थिइन् । अडिसन सकिएपछि उनी घर फर्किइन् । त्यही समयमा निर्देशकले उनलाई तुरुन्तै मुम्बई आउन भनेका थिए । तर उनले निर्देशकको कुरालाई इन्कार गरिन् ।

सुरवीनले ती निर्देशक हिन्दी र अंग्रेजी भाषा नबोले पनि तमिल भाषा मात्र बोल्ने गरेको खुलाइन् । निर्देशकको सहायकले सुरवीनलाई फोन गरेर निर्देशकले सुरवीनलाई नजिकबाट बुझ्न चाहेको र फिल्म बनाउनका लागि लामो समय बिताउने सोच बनाएको बताएका थिए ।

उनले एक निर्माताले आफ्नो वक्षस्थल हेर्न चाहेको पनि खुलाइन् । ‘त्यो निर्माताले मेरो कम्मरमुनिको भाग पनि हेर्न चाहन्थ्यो’, उनले खुलाएकी छन् । दैनिक जागरण

२०७८ असार १०, बिहीबार ११:५७

प्रतिक्रिया

सम्बन्धित खवर

ताजा समाचार

लोकप्रिय

error: अरुको सामाग्री चोर्न पाइदैन !!