राजविराज : सप्तरीको छिन्नमस्ता गाउँपालिकाको ललापटीमा आज शुक्रबार दिउँसो करेन्ट लागेर एक व्यक्तिको मृत्यु भएको छ।
मृत्यु हुनेमा छिन्नमस्ता-४ ललापटी बस्ने ५० वर्षीय नारायण यादव रहेको प्रहरी नायब उपरीक्षक माधव काफ्लेले जानकारी दिए।
घरदेखि टाढा गाउँकै खेतबारीमा कृषि मिटरद्वारा जडान गरिएको पानी तान्ने मोटरमा करेन्ट लागेर उनको मृत्यु भएको प्रहरीले जनाएको छ।
शव परीक्षणका लागि राजविराजस्थित गजेन्द्रनारायण सिंह अस्पतालमा पठाइएको छ भने घटनाबारे अनुसन्धान भइरहेको जिल्ला प्रहरी कार्यालयले जनाएको छ।
२०७९ आश्विन १४, शुक्रबार १५:११मा प्रकाशित
