काठमाडौं : जल तथा मौसम विज्ञान विभागले यस वर्षको मनसुन ढिलो गरि नेपालबाट बाहिरिन लागेको जनाएको छ।
विभागको मौसम पूर्वानुमान महाशाखाका अनुसार शुक्रबार सुदूरपश्चिम र कर्णाली प्रदेश आसपासबाट मनसुन बाहिरिएको हो। प्रायः २ अक्टुबरमा मनसुन बाहिरिने गरेको थियो।
यसवर्ष भने एक साता ढिलो गरि मनसुन बाहिरिएन थालेको महाशाखाले जनाएको छ। कर्णाली र सुदूरपश्चिमसँगै लुम्बिनी प्रदेशको पश्चिमी भूभागबाट पनि मनसुन बाहिरिएको छ।
अन्य प्रदेशबाट पनि मनसुन बाहिरिने क्रममा रहेको महाशाखाले जनाएको छ। केही दिनभित्र देशभरिबाट मनसुन बाहिरिने महाशाखाको अनुमान छ।
२०७८ आश्विन २३, शनिबार ०८:२३मा प्रकाशित
