काठमाडौं : देशभर पछिल्लो चौबिस घण्टाको अवधिमा ८ हजार १७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार २१ हजार १७ नमूनाको परीक्षण गर्दा सो संख्यामा संक्रमित थपिएका हुन्। चौबिस घण्टामा १५ हजार ७३६ नमूनाको पीसीआर परीक्षण गर्दा ५ हजार ८१६ जना र ६ हजार ७२ जनामा एन्टीजेन परीक्षण गर्दा २ हजार २०१ जनाम कोरोनासंक्रमण पुष्टि भएको हो।
सोही अवधिमा ५ हजार २९२ जना संक्रमणमुक्त भएका छन् भने १५ जनाको मृत्यु भएको छ।
योसंगै नेपालमा कोरोना संक्रमितको कुल संख्या पीसीआरतर्फ ९ लाख ३९ हजार २६७ पुगेको छ भने एन्टीजेनतर्फ १ लाख २२ हजार ८३८ पुगेको छ । त्यस्तै निको हुनेको कुल संख्या ८ लाख ३७ हजार ४ पुगेको छ भने हालसम्म ११ हजार ६८७ जना संक्रमितको ज्यान गएको छ।
बिहीबार देशभर ९० हजार ५७६ सक्रिय संक्रमित रहेका छन्। तीमध्य ८८ हजार ६४२ जना होम आइसोलेसन र १ हजार ९३४ जना संस्थागत आइसोलेसनमा रहेका छन्।
संस्थागत आइसोलेसनमा रहेकामध्य २५७ जना आइसीयूमा रहेका छन् भने ९७ जना भेन्टिलेटरमा र १४९ जना संस्थागत क्वारेन्टिनमा रहेको स्वास्थ्य मन्त्रालयले जानकारी दिएको छ।
बिहीबार देशभर ५ लाख ५४ हजार ५६६ जनाले कोरोनाविरुद्धको खोप लगाएको मन्त्रालयद्वारा जारी विवरणमा उल्लेख छ।
२०७८ माघ १३, बिहीबार १७:४७मा प्रकाशित
