काठमाडौं : पश्चिमी वायुको प्रभावले काठमाडौं उपत्यकासहित मुलुकभर बर्षा भएसँगै देशका उच्च पहाडी तथा हिमाली भेगमा हिमपात हुन थालेको छ।
बिहीबार रातीदेखि नै काठमाडौं उपत्यकाका चन्द्रागिरी, फुलचोकी, शिवपुरी लगायतका डाँडाहरुमा बाक्लो हिउँ परेको छ ।
भोलिसम्म देशभर आंशिकदेखि सामान्य बदली रही अधिकांश स्थानमा हल्का वर्षा र उच्च पहाडी तथा हिमाली भेगमा हिमपातको सम्भावना रहेको मौसम पूर्वानुमान महाशाखाले जनाएको छ ।
वर्षासँगै हिउँ परेपछि चिसो बढेको छ।
२०७८ माघ २१, शुक्रबार ०९:५०मा प्रकाशित
