काठमाडौं : देशमा २८ सय ५६ कोरोना भाइरसका संक्रमित थपिएका छन् । स्वास्थ्य मन्त्रालयका अनुसार बितेको २४ घन्टाभित्र थप पाँचजना कोरोना संक्रमितको मृत्यु भएको छ ।
देशमा हालसम्म एक लाख ५८ हजार ८९ जना संक्रमित संख्या पुगेको छ । कुल ८ सय ४७ जनाको संक्रमणबाट मृत्यु भइसकेको छ ।
स्वास्थ्य मन्त्रालयका अनुसार देशमा कुल ४५ हजार ५ सय ७२ जना सक्रिय संक्रमित छन् । एक लाख ८ हजार ३ सय ३४ जना संक्रमणमुक्त भएका छन् ।
२०७७ कार्तिक ९, आईतवार १६:४४मा प्रकाशित
