डोटी : डोटीको जोरायल- ३ तोडेगडाका एक वृद्ध मृत अवस्थामा फेला परेका छन् । अन्दाजी ६० वर्षका हिरालाल वली मृत फेला परेका हुन् ।
भारतको सिम्लामा काम गर्दै आएका वली निर्वाचनमा मतदानका लागि घर फर्किने क्रममा जोरायल गाउँपालिका ३ चन्कट्टे नजिकै सेरी बर्बरा खेतमा बाटोको छेउमै मृत भेटिएका प्रहरीले जानकारी दिएको छ ।
अहिले ईलाका प्रहरी कार्यालय जोरायलका सइ गंगाराम टमाटा नेतृत्वको टोली घटनास्थल पुगेको छ ।
उनको साथमा झोला र नजिकै मदिराको बोत्तल पनि रहेकोले मदिरा सेवन गरी राती जाडोले कठ्याङ्ग्रिएर मृत्यु भएको हुनसक्ने अनुमान गरिएको छ । घटना हिजो राती भएको हुनसक्ने बताइएको छ।
२०७९ मंसिर ३, शनिबार १२:०४मा प्रकाशित
